VIGAN CITY- Natay ti nagmaneho ti motorsiklo a ni Marco Santos, agtawen ti 23, ken taga Brgy. Paypayad, Candon City gapu iti panangsarili na a naaksidente ken pannakaipasirok na iti bus idiay national highway ti Brgy. Calaoa-an, Candon City.
Segun ken ni PCInsp. Reneboy Ilata, daldalyasaten ti biktima ti national highway idi ginandat na nga overtake’an iti maysa a sarsarunwen na a lugan ngem saan na nga intuloy isu a nagsubli iti linya na ngem gapu ta nagalis iti dalan gapu ti panagtudo, napukaw na iti kontrol iti manibela nga isu iti nakatulidan na
Uray nu nasiputan ti sumungad a bus iti pannakatulid ti biktima, naipasirok latta ti biktima iti bus.
Naitaray idiay Candon City Hospital ti biktima ngem indeklara ti attending physician a dead-on-arrival.
