--Ads--
VIGAN CITY–Natay ni Darwin Somejo, agtawen iti dua pulo ket lima, baro, maysa a mannalon ken agnaed iti Brgy. Lapting, San Juan gapu iti pannaka-aksidente na iti agkurba a kalsada iti Brgy. Turod, Cabugao.
Nakalugan iti Honda TMX 155 a nagmaris iti nangisit ti biktima nga agpa-amyanan a direksiyon ket idi nakadanun iti nakapasamakan iti insidente mapapati a gapu iti kinapaspas iti taray na ket saan na a nakontrol iti manibela iti motorsiklo na.
Naitaray idiay Suero General Hospital ti biktima ngem naideklerar a dead on arrival.
Naduktalan a nakaino ti biktima idi napasamak iti aksidente.
-- ADVERTISEMENT --
