VIGAN CITY – Maysa a lalaki a negosyante ti nabagkong idiay Lyric Bar, Brgy. VIII, Vigan City.
Nabigbig ti biktima a ni Jade Rodolph Tagal agtawen uppat a pulo agnaed iti Brgy. Capangpangan ken ti suspek a ni Benedict Donato Aguinir agtawen tallopulo ket tallo agnaed ti Brgy. Pantay Fatima, Vigan City.
Basar ti report manipod Vigan City Police Station, kabayatan nga umininom ti arak ni Aguinir ket ginandatna nga agibettak iti botelya iti arak ngem linapdan ti biktima ket kinumprontarna.
Agawiden ni Tagal ket inruar iti suspek iti kutsilyona manipod ti slingbagna ket binagkongna.
Nagsagaba iti dunor iti tyanna gapo ti pammagkong ni Tagal ket narekobre dagiti otoridad ti maysa a kutsilyo nga adda kaatiddogna a nasurok innem a pulgada agraman ti apputanna ken nakemmegda ti suspek a nakaibalud iti custodial facility ti Vigan PNP.
