VIGAN CITY – Natay ti maysa a lalaki ta nagbekkel idiay Brgy. Quinabalayan , Sta Lucia.
Nabigbig ti biktima a ni Moises Labelera, agtawen ti uppat a pulo ket tallo a nga agnaed ti nasao a lugar.
Basar ti report manipod Sta Lucia Police Station, adda iti nangipakammu kadakuada nga adda iti nasarakan a nakabitin a lalaki iti puon ti mangga babaen iti tali iti kataltalunan iti nasao metlaeng a lugar.
Nakasangpet dagiti otoridad ket naduktalan a naikkaten iti tali a nga inaramat ti biktima ket naipan idiay Ilocos Sur Disitrct Hospital Sta. Lucia ngem naideklara a dead on arrival babaen kenni Dr. Carlafe Baoingan.
Innayon ti PNP nga agsagsagaba iti sakit nga hypertension ken hyperthyroidism ti biktima a nangitunda iti pannakadepress na ken saan a makaturog, makakaan ken ado dagiti problema nga ibagbagana.
