VIGAN CITY – Nakasaganan iti kaso a maipila kontra ken ni Edward Cuaresma, agtawen ti tallo pulo, baro, laborer ken agnaed idiay Brangay Libtong, Tagudin ta pinaturonganna iti paltog ni Florencio Collado, agtawen ti tallo pulo ket tallo, baro nga agnaed idiay Barangay Las-ud, Tagudin idi January 10.
Segun kenni Police Corporal Vladimir Lazo ti Tagudin Municipal Police Station, adda idiay taltalon ni Collado nga agpadpadanum iti mais ket inbaonna dagiti kaduana a mapan mangibaba iti bisikletana tapno saan a matakaw.
Ti dayta a kanito, nakita ni Cuaresma dagiti kakadua ni Collado ket pinabasol na ida a nagtakaw iti sibuyas a nagresulta iti panagririri da ket inpangta na a paltogan na ida.
Nagbuteng dagiti biktima isu a nagreport ti kabsat ni Collado kadagiti kameng ti Tagudin Police Station isu a nagrespondeda ket naala da ken ni Cuaresma ti one pong nga adda ti 5.56 mm a bala na.
