--Ads--
VIGAN CITY – Nakapuoten ti lalaki a nagmaneho ti motorsiklo a nadisgracia iti poste iti kuryente idi rabii ti November 28 idiay Cabaroan, Bantay.
Nabigbig ti nadigrasia a ni Beejay Tenorio, agtawen ti duapulo ket tallo, baro nga agnaed idiay Naguiddayan, Bantay.
Gapu iti pannakaidungpar ni Tenorio iti poste ket natukkol ti luppo ken takyagna kasta pay a nakulog ti ulona a gapuanan iti pannakapukaw ti puotna.
Maipalagip a daldalyasaten ti motorsiklo iti bagatan a paset iti nasao a lugar a gappuanan iti pannakaaksidentena iti poste a nagresultaan iti pannakadundunorna iti nadumaduma a paset iti bagina ken naipan iti Metro Vigan Hospital.
-- ADVERTISEMENT --
