--Ads--
VIGAN CITY – Pimmusay ni Jonel Arce Allagadan, agtawen ti duapulo ket uppat a taga-Barraca, Vigan City gapu iti pannaka-aksidentena idiay Quirino Blvd., Brgy. II, Vigan City, Ilocos Sur.
Agturong iti amianan a direksyon ni Allagadan idin naawanan ti kontrol iti manibelana ket naidungpar iti kongkreto a poste iti sakupen iti daya a paset iti kalsada.
Nagsagaba ti fatal head ken dunor ti akin-kannigid a saka ti biktima a naipan iti Metro Vigan Hospital ngem pimmusay bayat ti pannakatamingna.
Iti agdama, manarimaan ti panangduktal nu mano ti gatad ti nadadael a paset iti motorisiklo.
-- ADVERTISEMENT --
