--Ads--
Dead on arrival ti maysa a nagmaneho iti motorsiklo gapu iti pannaka-aksidentena iti national highway idiay Barangay Angkileng, Sta. Lucia, Ilocos Sur.
Nabigbig ti natay a drayber a ni Jun Labajo Arnado, agtawen iti tallopulo ket innem, taga-Barangay Sidaoen, Sta. Cruz.
Agpapa-abagatan ti motorsiklo, ket idi magtengna ti nakapasamakan ti insidente kangrunaan iti kurbada a paset ti kalsada, naidungpar iti barikada a landok iti igid ti kalsada.
Nagsagaba iti nakaro a dunor iti ulo ti drayber ket naitaray iti balay pagagasan ngem saanen a nakalasat.
-- ADVERTISEMENT --
