--Ads--
VIGAN CITY – Dead on arrival ni Earl John Benedict Somejo Torda, agtawen ti sangapulo ket siam, baro nga agnaed iti Brgy. Lapting, San Juan a nagmaneho iti Suzuki rider a color blue gapu iti pannakaaksidentena idiay Bantao-ay Bridge, Brgy. Gongogong, San Ildefonso.
Iti pannaki-uman ti Bombo Radyo Vigan ken ni PLt. Danilo Ricod iti San Ildefonso Police Station, adda iti naawatda a report nga adda iti naidungpar iti rangtay isu a nagrespondeda ket maamuanda a napaspas iti panagpataray iti motorsiklo ni Torda puon iti pannaka aksidente na.
Segun ken ni Ricod, sakbay iti aksidente ket naggapo idiay Bantay ni Torda a nagpasyar.
Kabayatanna, nagpalagip ni Ricod kadagiti amin a motorista nga agannadda iti panagmaneho tapno saan a madisgracia.
-- ADVERTISEMENT --
