VIGAN CITY – Panaglabsing iti Republic Act 9165 wenno Comprehensive Dangerous Drugs Act of 2002 ti sangwen ni Marvin Diego, agtawen iti sangapulo ket siam a taga-Brgy. Nalasin, Sto. Domingo a natiliw iti Anti-Illegal Drug operation idiay Brgy. Poblacion.
Segun ken ni PLt. John John Garan, ti suspek ket adda kasona idin a panaglabsing iti Article 151 ti Revised Penal Code ken nainaig iti panagtakawan.
Naaktuan ti suspek a nagilako iti maysa a self sealing transparent plastic sachet ti napagango a marijuana a naibungon iti tissue paper nga isu ti nagserbi a buy bust item ken sabali pay ti nakapkapda kenkuana a marijuana met laeng.
Naala manipud iti suspek ti lima gasut a pisos a buybust money, dua a bala ti caliber 22 a nakaikabil iti self-sealing transparent plastic ken pitaka a nakakustodia aminen kadagiti pannakabagi ti linteg tapno maidalan iti husto a proseso.
