Pinaglibakan ni Senate Pro Tempore Panfilo Lacson nga ikalkalinteganna ni Presidente Ferdinand Marcos Jr mainaig iti mapapati a P100 billion a budget insertion.
Segun ken ni Lacson, maibasar kadagiti ebidensia, nalawag a naloko ti presidente ken saan a mabalin isuna a karaman iti mapapati a pannakaipatulod ti kickback.
Kunana a maysa kadagiti pagibasaran ti panag-veto ni Marcos iti P1.15 billion a gatad dagiti item iti listaan dagiti proposed insertion.
Innayon pay ni Lacson a saan a maitunos ti kinuna ni dati nga Ako Bicol Rep. Zaldy Co – a nangibaga a nangipatulod isuna iti P25 billion a kickback iti presidente.
Ni Bernardo ti nangiggem iti kickback deliveries manipud iti P52 billion manipud iti pakabuklan nga P81 billion a DPWH project, maibasar iti listaan ni Co.
