--Ads--
Nangipila ni Sen. Panfilo “Ping” Lacson iti dua a gakat a mangingato manipud 56 agingga iti 57 ti compulsory retirement age dagiti uniformed personnel ti PNP, BJMP ken BFP.
Gagem ti singasing a mataginayon ti kapadasan ken pannakaammo dagiti senior personnel ken tapno ad-adu ti panawenda a mangipasa iti kinalaingda kadagiti ub-ubing nga opisial.
Maitunos met daytoy iti panagbalbaliw ti tawen ti panagretiro ti AFP.
Adda sumagmamano a transition provisions para kadagiti agdama nga opisial, pakairamanan ti panagtalinaed iti 56 a tawen a panagretiro ti agdama a hepe ti PNP.
-- ADVERTISEMENT --
