--Ads--
Inlawlawag ti Korte Suprema a saan a naggapu kadakuada ti kiddaw a mayakar ti kaso ni dismissed Bamban, Tarlac Mayor Alice Guo.
Segun ken ni Supreme Court Spokesperson Atty. Camille Ting, ti panagiyakar ket naaramid kas maisurot iti Office of the Court Administrator Circular No 10-2024.
Mainaig daytoy kadagiti guidelines no ti maysa nga akusado ket local official.
Iti salinongna daytoy, mayakar ti kaso iti kaasitgan a Regional Trial Court.
-- ADVERTISEMENT --
Iti met kaso ni Guo ket, ti Valenzuela ti kaasitgan a Judicial Region manipud iti Capas.
Itay bigat nga inwaragawag ni Senador Francis Tolentino a mayakar iti Valenzuela City RTC ti kaso a graft a sangsangwen ti napatakyas a mayor.
