Yatiddog ti Pilipinas ken Russia ti kooperasyon iti biang ti food ken energy security.
Dayta iti nagtulagan da Pres. Ferdinand Marcos Jr. ken Russian President Vladimir Putin iti taripnongda kagiddan ti panagrambak iti maika-limapulo nga anibersaryo ti diplomatic relations iti dua a pagilian.
Segun ken ni Pres. Marcos, karaman kadagiti makitkita a pagtitinnulongan dagiti dua a pagilian ti sektor iti enerhia, agrikultura, trade ken panagpuonan.
Kinuna met ni Putin nga adu pay ti mabalin nga aramiden tapno mayatiddog ti trade iti Pilipinas ken Russia kangrunaan ti agrikultura ken enerhia.
Idi napan a tawen ket umabot iti nasurok kaguda a dolyar ti gatad ti bilateral trade iti nagbaetan dagiti dua a pagilian.
Linagip ni Putin ti panagbisita ni dati a Pres. Ferdinand E. Marcos Sr. iti pagilianda idi 1976 a nangted iti dalan iti pannakadatag ti diplomatic relations iti Pilipinas ken Russia.
