Pinasingkedan ti House of Representatives a nakasaganada a mangawat ken mangdengngeg kadagiti baro nga impeachment complaint kontra ken ni Vice President Sara Duterte mangrugi inton Pebrero 6, 2026, segun ken ni Bicol Saro Partylist Rep. Terry Ridon.
Dayta ket kasaruno ti decision ti Korte Suprema a nangpatibker a mailabsing iti Konstitusyon dagiti immuna nga articles of impeachment kontra iti bise presidente gapu iti panaglabsing iti one-year bar rule.
Inlawlawag ti SC a ti maikapat nga impeachment complaint a naipatulod iti Senado idi Pebrero 5, 2025 ket naiparit iti salinong ti Article XI, Section 3 (5) ti 1987 Constitution, a nakailanadan a saan a mabalin a sumango iti nasursurok ngem iti maysa nga impeachment proceeding ti maysa nga opisial iti uneg ti maysa a tawen.
Ti immuna a tallo a reklamo ket naipila idi December 2024 babaen kadagiti pribado a complainant nga inyendorso dagiti sumagmamano nga agpampanday-linteg, idinto a ti maikapat ket naiduron babaen iti resolusyon a sinuportaran dagiti 125 a miembro ti kongreso.
