Kongresista, saan a mabuteng iti panangiduron iti impeachment uray kumandidato kas presidente ni VP Sara – Abante

Saan nga agbuteng dagiti agpampanday linteg nga iduron ti impeachment complaint kontra ken ni Vice President Sara Duterte iti baet ti pakaammona a kumandidato kas presidente inton 2028 national elections kas pinasingkedan ni House Committee on Human Rights chairman Manila 6^th District Rep. Bienvenido Abante Jr.

Inladawan ni Abante a nangendorso ti maikapat nga impeachment complaint kontra ken ni Duterte, a ti nasapa a presidential positioning-na ket blessing in disguise iti siasinoman a kumandidato kontra kenkuana.

Segun ken ni Abante, ti nasapa a panag-anunsyo ni Duterte ket mangitunda laeng iti nakaru a panagadal iti publiko.

Idi Mierkules ket impila ni Abante kadua ni House Deputy Speaker ken La Union 1^st District Rep. Paolo Ortega V, ti maikapat nga impeachment complaint kontra ken ni Duterte a naipasa ken ni Speaker Faustino “Bojie” Dy idi Huebes.