Dinayaw ti Vigan City Police Station ti kinadisiplina a nangisayangkat ti Iglesia ni Cristo iti National Rally for Peace ditoy Ilocos Sur.
Iti pannaki-uman ti Bombo Radyo Vigan ken ni PLt. Amado Somera a Deputy Chief of Police iti Vigan City Police Station, balligi ken generally peaceful iti naisayangkat a national rally for peace ta awan iti aniaman nga insidente a napasamak.
Segun ken ni Somera, sumagmamano laeng dagiti nagkasapulan ti medical attention a miembro iti Iglesia ni Cristo bayat a maisaysayangkat iti event.
Inlawlawagna a babaen met laeng kadagiti nakipaset a kameng iti Iglesia ni Cristo ket naipakitada iti kinadisiplinada ta naaramidda ti nagdalus sakbay a pimmanaw kadagiti nangisayangkatanda iti rally.
Pagyamanan ni Somera amin a nakitinnulong nangruna kadagiti kameng iti kapulisan ken force multiplier a nangsigurado iti kinatalged iti pannakaisayangkat ti aktibidad.
VIDEO – PLT. AMADO SOMERA
