VIGAN CITY – Natayen ti maikasangapulo ket tallo a pasyente a senior citizen idiay Abra a nagpositibo ti Covid19 nga isun ti kaunaan a pimmusay gapu iti nasao a sakit kas pinasingkedan ni Provincial Health Officer Maria Cristina Valera Cabrera.
Ti biktima ket agtawen ti walopulo ket uppat nga agnaed idiay Padangitan, Danglas, maysa a locally stranded individual manipud idiay Antipolo City.
Simmangpet iti nasao a probinsia ti pasyente ket nakariknan iti sintomas ti nasao a sakit isu a naidalan iti RT PCR Testing ket naduktalan a positibo.
Sangapulo ket uppat nga aldaw ti pananglaban ti pasyente ti nasao a sakit manipud idi naduktalan a positibo isu a naipasagepsep manen kadagiti amin nga agindeg iti nasao a probinsia a sangsangkamaysada a sumurot kadagiti mayetnag a pagannurotan.
Nupay kasta, maitabon ti bangkay ti biktima iti uneg ti sangapulo ket dua nga oras kalpasan iti pannakatayna.
