Impaganetget ni Nicholas Kaufman, lead counsel ni dati a Presidente Rodrigo Duterte nga awan ti naipakita nga ebidensia ti International Criminal Court prosecution nga adda pay sabali a menor de edad a biktima ti war on drugs malaksid ken ni Kian delos Santos.
Iti maudi a confirmation of charges, kinuna ti abogado a saan a nakaidatag ti prosekusyon iti pammaneknek mainaig iti sabali pay a menor de edad kadagiti 49 nga insidente a nadakamat iti kaso.
Innayonna nga awan ti birth certificate wenno ania man a corroborative evidence a mangpaneknek nga adda pay sabali a menor de edad a karaman kadagiti natay.
Ni Delos Santos, 17 years old ket natay iti maysa nga anti-drug operation idiay Caloocan City idi Agosto 2017 kalpasan a limmaban kadagiti pulis.
Idi 2018, sinentensyaan ti Caloocan City Regional Trial Court dagiti 3 a pulis a guilty iti kaso a murder mainaig iti pannakatay ni Delos Santos ken nasentensyaan iti reclusion perpetua wenno 40 a tawen a pannakaibalud, nga awan ti posibilidadna para iti parole.
