VIGAN CITY– Maibasar ti record ti Department of Health-Ilocos Sur, agdagup iti dwa pulo ket lima dagiti naimaldit a kaso idi 2016 nga amin ket lallaki .
Nangatngato daytoy no ikomeperar idi 2015 a dwa pulo ket uppat .
Dagiti naimaldit a kaso ket manipud iti syudad ti Vigan ken Candon ken ili ti Narvacan ken Tagudin a kaadduan kadagiti natamaan ket dagiti homosexual ken bisexual.
Segun kenni Engr. John Foz, mangidadaulo ti DOH-Ilocos Sur, posible nga ad-ado iti usto a bilang dagiti natamaan iti nasao a sakit gapu ta ado pay laeng iti saan a nagboluntaryo a nagpa-HIV/AIDS screening.
Inpakaammo ni Foz nga adda inestablishar ti DOH a laboratory satellite para kadagiti kayat na iti agpa-screening ken concelling saan laeng a tapno maagasan dagiti agpostibo no di ket tapno maliklikan iti panagwaras ti HIV.
