VIGAN CITY – Imbilin ti Supreme Court nga iyakar iti Quezon City ti hearing ti dua a kaso ni Pastor Apollo Quiboloy.
Dayta ket kasaruno ti kiddaw ni Justice Secretary Jesus Crispin Remulla nga iyakar ti venue manipod idiay Davao City tapno maliklikan a maapektaran ti pangngeddeng iti korte.
Segun ti Supreme Court, adda umanay a rason ti kiddaw ti secretary kangrunaan ket naimpluwensya iti lugarda ti religious leader.
Binilinen ti korte iti branch clerk iti Regional Trial Court Branch 12 nga iyakar amin a rekord ti kaso ni Quiboloy iti Office of the Executive Judge iti Quezon City Regional Trial Court.
Ipapa-raffle payen ti Quezon City RTC ti kaso ni Quiboloy ken nabilinen amin dagiti korte idiay Mindanao nga insigida nga iyakar iti Quezon City dagiti kaso nu bilang adda agipila pay iti baro a reklamo.
