Natalek dagiti private lawyer a napigsa ti kaso kontra ken ni Vice President Sara Duterte isu nga adu dagiti agbolboluntaryo a tumulong iti public prosecutors.
Dayta iti sungbat ni prosecution spokesman ken Lanao del Sur Rep. Zia Alonto Adiong kadagiti mangis-isyu a no apay nga adu iti naala a private prosecutor ket nakapsot ti kaso ken saan a nakasagana dagiti public prosecutor.
Kinunana a kabaliktaran dayta ta adu iti agvol-volunteer kadakuada ta dagiti private prosecutors ket patienda a dakkel ken napigsa ti kaso ken overwhelming iti ebidensia.
Iti agdama ket umabot iti sangapulo ket lima a private prosecutors babaen ti panangidaulo ni Atty. Lorna Kapunan iti nayon a puersa iti sangapulo ket maysa a public prosecutor nga idadauluan ni Batangas Rep. Gerville Luistro.
Makasangoda iti impeachment court iti sangapulo ket innem nga abogado ni Duterte manipod iti Fortun Narvasa & Salazar law firm nga idadauluan da Atty. Philip Sigfrid Fortun ken Atty. Sheila Sison.
Inton Lunes, July 6 a marugian ti trial ken ni Duterte ket ni Luistro iti mangidanon ti preliminary remarks.
