Pinasingkedan ti kampo ni Mary Jane Veloso nga ilegal ti agtultuloy a pannakaibalud agingga ita.
Inlawlawag ni Atty. Edwin Dela Cruz ti National Union of Peoples Lawyers nga iparit ti linteg nga ibalud ti maysa nga indibidwal iti baet nga awan ti pormal a kaso a sangsangoen na.
Daytoy ti sitwasion ni Veloso iti agdama isu a kwinestyonaran ti abogado iti pannakaibalud na iti nasurok maysa a tawen.
Inkalintegan ti grupo da nga awan ti kaso ni Veloso iti Pilipinas ken biktima laeng isuna ti human trafficking iti sabali a pagilian.
Nagpanawagan ti grupo kada Presidente Ferdinand ‘Bongbong’ Marcos Jr. ken ni Department of Justice Sec. Fredderick Vida nga ilawlawag ti banag.
Impaganetget ni Atty. Dela Cruz a sangoen da ni Veloso ken patgan a mawaya-wayaan isuna babaen ti panangited ti clemency manipud iti presidente.
