Inakusaran ti kampo ni dati a Presidente Rodrigo Duterte ni Presidente Ferdinand Marcos Jr nga isu ti nangirugi iti maysa nga iskema a mangipatulod kadagiti testigo iti International Criminal Court.
Iti opening statement ni Nicholas Kaufman, legal counsel ni Duterte, iti confirmation of charges hearing, imbutaktakna ti maysa a transcript ti tawag iti telepono.
Maysa a saan a nainaganan nga indibidual ti mapapati a mangkonkontrol kadagiti testigo.
Agdama a mayur-uray ti sungbat ti Malakanyang mainaig iti nasao a pammabasul.
Sumangsango ni Duterte iti 3 a bilang ti crimes against humanity mainaig iti nadara nga anti-narcotics campaign-na.
Maibasar iti rekord ti gobierno, umabot iti 6,200 ti natay iti operasion, ngem umabot iti 30,000 ti mapatta-patta kadagiti human rights organization.
