--Ads--
Nakemmeg idiay Mandaluyong City ti kabsat ti aktres a ni Kim Chiu a ni Lakambini “Lakam” Chiu mainaig iti warrant of arrest para iti 124 counts ti qualified theft.
Segun iti Quezon City Police District, nakemmeg isuna iti maysa a parking area idiay Barangay Wack Wack ken naibilang a No. 6 Most Wanted Person ti Kamuning Police Station.
Nangiruar ti Quezon City Regional Trial Court Branch 24 ti warrant nga adda naisingasing a P5.8 milion a piansa, idinto nga agdama nga adda idiay Kamuning Police Station ni Chiu para iti booking ken dadduma pay a legal a proseso.
Maipalagip a nangipila iti reklamo ni Chiu idi Disyembre 2025 kalpasan a maduktalanna ti dadakkel nga iregularidad iti negosiona.
-- ADVERTISEMENT --
