Naduktalan ti Philippine Statistics Authority (PSA) ti ebidensia a mapapati nga inusar ti negosiante a ni Joseph Sy dagiti peke a dokumento iti proseso ti birth registration-na.
Segun ken ni PSA Legal Service Director Atty. Eliezer Ambatali, saan a karaman kadagiti rekordda dagiti birth certificate ken dokumento dagiti nagannak ni Sy manipud iti pannakabuniag ken pannakaipasngayna.
Pinasingkedan ti Bureau of Immigration (BI) a dagiti fingerprint ni Sy ket maitunos kadagiti fingerprint ni Chinese national Chen Zhong Zhen, bayat a ti database-da ket nangirekord ti biometrics-na idi 1989 ken 1996.
Awan ni Sy iti hearing ti Senate Committee on Justice and Human Rights kalpasan a kinuna ti abogadona a naitaray iti emergency room ti Makati Medical Center, idinto a ninamnama ni Sen. Risa Hontiveros a tumabuno iti sumaruno a hearing.
