Pinalubosanen ti Department of Education ti panagsubli ti operasion ti kaadduan a pampubliko a pagadalan iti Region 12 kasaruno ti magnitude 7.8 a ginggined a timmama idiay Mindanao idi Hunyo 8.
Segun ti DepEd, naipasidong iti “Hayo” status nangrugi iti Hunyo 15 dagiti pagadalan idiay Cotabato, Kidapawan, Koronadal, Tacurong, ken Sultan Kudarat, a mabalinen nga ituloy ti klase ken learning activities basta natalged dagiti estudyante ken mangisursuro.
Agtaltalinaed met iti “Hinto” dagiti pagadalan idiay General Santos ken Sarangani bayat a maiur-uray ti ibaga ti lokal a gobierno, idinto nga agtultuloy latta ti safety assessments ken recovery efforts.
Basar iti monitoring ti DepEd, umabot iti 142, 821 nga estudyante ken 7, 406 a personnel ti naapektaran ti napigsa a ginggined.
Nairekord met ti 1, 396 a pagadalan nga adda damage na a classroom, pakairamanan pay ti 1, 950 totally damage, 2, 098 ti adda major damage-na ken 6, 065 nga adda minor damage-na.
