Indeklarar ni President Ferdinand Marcos Jr. ti June 25, 2025 agingga June 24, 2026 kas Centennial Year of Manlilikha ng Bayan Haja Amina Appi kas panangbigbig iti maikasangasut a tawen ti cultural excellence ken heritage preservation.
Ni Haja Amina Appi ket maysa a master mat weaver manipod Sama cultural community idiay Tawi-Tawi, ken immunan a naipaayan ti titulo a Manlilikha ng Bayan wenno National Living Treasure gapu iti naisangsangayan a laingna nga aglaga.
Maibasar ti Proclamation No. 963, nakalanad ti mandato ti Konstitusyon nga ipreserba ken i-promote iti cultural heritage iti Pilipinas.
Mainaig dayta ket binilin ti Presidente ti National Commission for the Culture and the Arts (NCCA) a mangidaulo ti koordinasyon iti makatawen nga aktibidad kas panangbigbig ti patawid ni Haja Amina Appi ken tapno maiduron pay iti naun-uneg a koneksyon ti indigenous arts ken cultural traditions iti publiko.
