--Ads--
Pinaglibakan ti gobierno ti Jordan a nangibilin da ti evacuation iti international airport ken seaport iti Aqaba kalpasan nga imbaga ti Embahada ti Amerika iti Amman nga i-evacuate ti nadakamat a pasilidad gapu ti pangta iti seguridad.
Segun ken ni Jordanian government spokesman Mohammad al-Momani, awan ti inruar a bilin dagiti otoridad tapno i-evacuate dagiti pasahero ken mangmangged iti Aqaba Airport ken seaport.
Innayon na pay nga awan ti naammuan nga aniaman a ‘potential threats’ a mabalin a mangitunda ti peggad iti seguridad.
Immuna daytoy, pinasingkedan ti Embahada ti Amerika a maipagarup nga impaserra dagiti otoridad ti nadakamat nga airport ken seaport gapu ti maysa nga “unspecified threat.”
-- ADVERTISEMENT --
