--Ads--
Madanagan ni Senador Jinggoy Estrada iti mapapati a dakkel a naikissay ti pondo ti Department of National Defense (DND) iti proposed national budget inton 2026.
Segun ken ni Sen. Estrada, makapadanag ti dakkel a naikissay ta manipod iti orihinal a P133.74 billion ket nagbalin laengen a P90 billion.
Impaganetgetna a kasapulan ti dakkel a pondo iti DND para iti kabaroanan nga alikamen a tumulong iti panangsalaknib iti pagilian.
Kinunana a nakasagana dagiti suldado a mangisalakan iti pagilian ngem rumbeng laeng a maikkanda iti husto nga alikamen ken kabaroan a teknolohiya tapno maaramidda nga epektibo iti akemda.
-- ADVERTISEMENT --
