Dinutokan ti China ni Jing Quan a dati a senior diplomat idiay Washington D.C. kas baro nga Ambassador iti Pilipinas kagiddan ti tensyon idiay West Philippine Sea.
Simmangpet ni Jing idi December 6 ken pinasangbayan dagiti opisyal ti Department of Foreign Affairs (DFA) ken ti Chinese Embassy.
Segun ti embahada, kinuna ni Jing nga uray narigat iti akem, siguradoenna a mapagtalinaed ti dignisas ken interest iti pagilian bayat nga agserserbi a rangtay tapno mapatibker iti relasyon iti China ken Pilipinas.
Sukatanna ni Ambassador Huang Xilian a nagserbi iti innem a tawen manipod pay Duterte Administration agingga umuna a paset iti termino ni Pres. Ferdinand Marcos Jr.
Nagserbi ni Jing kas deputy chief of mission iti Chinese Embassy idiay Washington D.C. iti dua a dekada, nabigbig iti US-China relations pakairamanan iti trade negotiations iti salinong ti Trump Administration, ken kas fellow iti Brookings Institution idi 2004 agingga 2005.
