Japan, nairekordda ti kabaraan a Hulyo iti tawen sipud 1898

Nairekord ti Japan ti kabaraan a bulan ti Hulyo iti pakasaritaan sipud 1898, segun iti Japan Meteorological Agency.

Ngimmato iti 2.89 degree Celsius ti average temperatura idi napan a bulan no ikumparar iti gagangay a temperatura manipud 1991-2020.

Idi Hulyo 30, immabot pay iti 41.2 degree Celsius nga isu ti kangatoan a temperatura idiay Hyogo.

Manamnama pay nga agtultuloy ti nakaro a kinabara ti panawen kadagiti sumaruno a lawas.