Kinontra ti Department of the Interior and Local Government dagiti agdinamag a rason ti pannakaikkat ni Police Gen. Nicolas Torre kas Philippine National Police Chief.
Inlawlawag ti ahensia nga awan kinapudnona a naikkat ni Torre gapu ta saan a simmurot iti pammilin ni DILG Secretary Jonvic Remulla a gumatang kadagiti armas.
Numan pay aminado ti DILG nga adda dagiti unsolicited proposal ken ni Secretary Remulla a gumatang iti 80,000 a paltog, saanna a direkta a binilin ti PNP chief nga ipatungpal ti nasao a banag.
Ti nalawag a pammilin ti DILG ken ni Torre ket ti panangi-assess-na no adda operational necessity dagiti paltog.
Pinalagipanna pay ti dati a PNP chief nga agannad ta daytoy ket agkasapulan iti congressional insertion gapu ta saan a nairaman iti National Expenditure Program.
