Inaprobaran ti House Committee on Local Government ti Substitute Bill a gagemna a baliwan ti termino dagiti opisial ti Barangay ken Sangguniang Kabataan (SK) iti innem a tawen manipud iti agdama a tallo a tawen.
No agbalin a linteg, mangrugin ti innem a tawen a termino ti Substitute Bill inton 2029.
Mabalin nga agserbi dagiti nabutosan nga opisial ti barangay agingga iti dua nga agsasaruno a termino idinto a saan a makaserbi dagiti opisial ti SK iti nasursurok ngem maysa a termino.
Agtalinaed dagiti agdama nga opisial ti Barangay and Sangguniang Kabataan (SK) iti puestoda agingga a mabutosan dagiti baro nga opisial inton 2029 malaksid no nasapsapa a maikkat wenno masuspenso.
Mabalin pay laeng nga agkandidato dagiti nangabak iti October 2023 iti May 2029 Elections.
Ngem dagiti Barangay elective officials nga adda iti maikadua wenno maikatlo nga agsasaruno a terminoda ket saan a makakandidato iti re-election inton May 2029.
