VIGAN CITY – Dua laengen nga ili ditoy probinsya nga adda dagiti umili nga agtaltalinaed kalpasan iti napasamak a gingined maysa a lawas iti napalabas.
Iti pannaki-uman ti Bombo Radyo Vigan kenni Ilocos Sur Governor Jerry Singson, iti ili ti San Emilio ken Bantay laengen iti agdama nga adda umili nga agtaltalinaed kadagiti evacuation centerda kalpasan iti panagdayyeg.
Limapulo ket dua a pamilya wenno nasurok sangagasut sangapulo ket innem a tattao iti agtaltalinaed ti evacuation center idiay San Emilio ken sangapulo a pamilya wenno limapulo a tattao idiay ili ti Bantay.
Kadduan kadagiti umili ket nakasublin kadagiti pagtaenganda malaksid kadagiti nakaro a naapektaran wenno nadadael dagiti pagtaenganda ket mangpanpanunuten ti gobierno probinsya ken LGU no kasanuda a matulungan.
