Maysa a motorsiklo nga imbati ti maysa a gangannaet ti nasarakan a nabaybay-an iti kabaybayan ti Magsaysay District, Santa, Ilocos Sur.
Ti motorsiklo ket maysa a black and gray Yamaha MIO.
Iti pannaki-uman ti Bombo Radyo Vigan ken ni PCPT. Rovic Nelmida iti Santa Police Station, manarimaan ti checkpoint-da iti paset ti Imelda Park ket maysa a mangngalap ti nangireport kadakuada nga adda nabati a motorsiklo iti igid ti baybay.
Ti motorsiklo ket imbati ti maysa a gangannaet a naggapu iti Finland a maibasar kadagiti pannakabagi ti linteg ket naka-check-in daytoy idiay Narvacan.
Nasarakan dagiti pannakabagi ti linteg ti motorsiklo manipud iti kabatbatwan a paset iti asideg ti kabaybayan ken naipanen iti police station para iti proper disposition.
Nakikammayeten ti Santa PS iti Land Transportation Office tapno maduktalan no asino ti pudno nga akinkukua iti motorsiklo.
No bilang ta tinakaw ti gangannaet ti motorsiklo ket impasigurado ni Nelmida a mapilaanto iti kaso.
