Sinuspenso ti baro a nadutokan a Labor Secretary Francis Tolentino ti Region ti Department of Labor and Employment Region III iti maysa a bulan gapu iti pannakatay dagiti 4 nga indibidual iti narpuog a pasdek a maipatpatakder idiay Angeles City, Pampanga.
Ti panangsuspenso ni Tolentino ken ni DOLE Region III Director Geraldine Panlilio ket paset iti agtultuloy nga imbestigasion ti ahensia tapno makita no ania ti nagkurangan dagiti opisial ti Labor Department iti napasamak.
Karaman pay a maimbestigaran no apay a nagtuloy ti konstruksyon uray no nairuar ti work stoppage order idi 2025.
Segun ken ni Tolentino, kayatna a maammuan no adda inaramid ti DOLE tapno masalwadan dagiti nagubra.
Inawat metten ni Panlilio ti preventive suspension ngem naklaat iti nagbalin a tignay ni Tolentino.
