Plano ti Indian government nga i-ban ti online games nga adda pakainaigan ti kuarta, maysa a proposed bill a mabalin a mangparigat iti maysa nga industriya ta makasapsapul iti binilion a dolyar iti foreign investment.
Gapu ti psychological ken financial harm nga intuda iti nasao nga ay-ayam ket ipaganetget ti Promotion and Regulation of Online Gambling Bill 2025 nga awan iti siasinoman a mangidiaya, mangted, mangkunsintir, mangallukoy wenno mainaigt iti aniaman nga online moneygamnes ken kapadana a serbisyo.
Segun ti venture capital firm Lumikai, nakaituding a makaur-or iti Indian market iti $3.6 billion agingga 2029 gapu iti nasao nga ay-ayam.
Pakadanagan ti Indian government iti panagay-ayam dagiti umili ta aminadoda nga adu iti maadik iti Dream11 ken Mobile Premeir League.
Nakalanad pay iti gakat a siasinoman a mangidiaya ti nasao nga ay-ayam ket mabalin a mabalud iti agingga tallo a tawen ken mamuelta.
