Inrusat ti Department of Social Welfare and Development (DSWD) iti comprehensive guidelines iti inclusive employment kas panangrambak iti International Day of Persons with Disabilities.
Pinirmaan ti Administrative Order No. 11 ni Secretary Rex Gatchalian idi November 10 ket impasiguradona a maysa a porsiento kadagiti regular ken non-regular positions iti DSWD Central Office and Field Offices iti nareserba para iti persons with disabilities.
Inladawan ni Gatchalian ti AO 11 a “the most progressive inclusion plan in the employment of persons with disabilities”.
Segun ken ni Gatchalian, iyetnagda ti pannaka-hire dagiti persons with disabilities ken agaramid iti maysa a progresibo ken comprehensive policy maipanggep iti panang-employ kadagiti PWD.
Gagem ti administrative order a baliwan ti ugali dagiti tattao iti panag-hire kadagiti tattao nga adda rangkapna babaen ti panangsigurado nga adda patas a tyansa iti panag-apply iti trabaho iti departamento.
