Nagpanawagan iti ina ti maysa kadagiti estudyante a natay iti pammaltog iti maysa a pagadalan idiay Tacloban City idi Hunyo 22 nga ibaba ti minimum age of criminal responsibility iti panagdenggeg ti Senado.
Kwinestyonaran ni Jenelyn Badoria, ina ti Grade 9 student a biktima no apay nga iti Bahay Pag-asa laeng a maipan dagiti menor de edad a suspek.
Kayat ni Badoria a maibaba ti tawen iti criminal responsibility tapno makasoan ti nangpaltog ti anak-na.
Suportado pay ni Badoria iti singasing ni Senador Raffy Tulfo a mangipatakder ti sabali a detention facility para kadagiti menor de edad a karaman iti heinous crimes.
Kiddaw ti ina a madusa dagiti nagannak, guardian, ken ti anti ti maysa a suspek nga akin-kukua ti naaramat a paltog iti insidente.
