Impatungpal ti Malakanyang ti alternative work arrangements kadagiti opisina iti gobierno idiay Metro Manila ken sangapulo ket uppat a probinsia inton bigat, August 18 gapu iti agtultuloy a napigsa a tudo gapu iti habagat.
Nakalanad iti Memorandum Circular No. 128 sakup iti bilin iti probinsia iti Ilocos Sur, La Union, Pangasinan, Benguet, Zambales, Bataan, Tarlac, Pampanga, Bulacan, Cavite, Batangas, Rizal, Laguna ken Occidental Mindoro.
Agtultuloy met nga agtrabaho dagiti ahensia a mangmangted ti basic ken health services, disaster response ken dadduma pay a napapateg a serbisio.
Kadagiti pagadalan ket maipatungpal ti alternative learning modes malaksid laeng no adda sabali a bilin dagiti lokal nga opisial.
Iti dadduma a lugar ket mabalin a mangipatungpal ti suspension iti klase wenno trabaho kadagiti lokal a gobierno.
Kabayatanna, addan ti desision ti management dagiti pribado a kompania no mangipatungpalda ti work suspension wenno alternative work arrangement.
