--Ads--

Pinasingkedan ni President Ferdinand Marcos a saanna a suportaran ti impeachment ni Vice President Sara Duterte ta para kenkuana ket pagsaysayangan laeng iti panawen.

Patien ti presidente a ti impeachment process ket awan ti maitedna a pagsayaatan dagiti umili ken makariribuk laeng iti Kamara ken Senado.

Inladawan met ni Marcos ti relasionda ken ni Duterte kas “storm in a teacup,” a ti kayatna a sawen ket saan a seryoso nga issue.

Nupay kasta, inkari ti presidente a labananna ti pangta ni Duterte a mangpapatay kenkuana, ti asawana ken ti House Speaker a ni Martin Romualdez.

-- ADVERTISEMENT --

Maipalagip nga inakusaran ni Duterte ni Marcos a kayatda a maikkat isuna iti puestona ken indeklarana pay a ti relasionda ket dimmanonen iti “the point of no return”, ken inlibakna nga adda pakainaiganna ti plot assassination kenni President Marcos.