VIGAN CITY– Saan a “hearsay” laeng dagiti pammabasol ni Magdalo Partylist Rep. Gary Alejano kontra kenni Presidente Rodrigo Duterte nga isu iti rason nu apay a nangipila iti impeachment complaint .
Segun kenni Alejano, adda iti personal knowledge na kadagiti pammabasol na kontra kenni Presidente Duterte gapu ta adda iggem na a testigo ken affidavit dagiti biktima, pakairamanan dagiti panagsarita iti presidente a mangpatibker iti reklamo na.
Para kenkuana, saan nga idi kalman iti usto a panawen a panangidatag na kadagiti ebidensya gapu ta iti substance ken form iti reklamo nga inpila na laeng iti natratar idi kalman.
Inpatangken iti nasao a kongresista a saan a naikkan iti gundaway tapnu ilawlawag na iti pagtakderan na gapu ta namin-adu a daras a linapdan dagiti miembro ti komite iti panagsarita na.
Innayon na a saan na a ninamnama iti kinadaras iti panagdengngeg iti reklamo gapu ta iti ammo na ket suruten iti Kamara iti usto a proseso uray nu kaadduan kadagiti miembro ti House Justice Committee ket kaalyado iti presidente.
