--Ads--

Kinumpirmaran ni Committee on Foreign Relations Chairperson Senador Imee Marcos a matuloy latta ti imbestigasyon inton bigat ti Senado mainaig iti pannakakemmeg ni dati a Presidente Rodrigo Duterte.

Iti baet dayta ti impatulo a surat ti Malakanyang a saan a dumar-ay dagiti naawis a miembro ti gabinete ken executive officials ta naipaganetget ti executive privilege ken subjudice rule.

Segun ken ni Sen. Marcos, dumar-ay man wenno saan dagiti resource person ket maituloy ti panangduktal ti komite iti pannakakemmeg ti dati a presidente.

Saan pay a maibaga ti senador no asino dagiti resource person a sumango iti maisayangkat a public hearing.

-- ADVERTISEMENT --

Iti agdama, makumkumpirmaran no asino dagiti makadar-ay kadagiti dadduma a naimbitaran.