Siguradoen ti Department of Education (DepEd) nga agtultuloy ti nainget nga imbestigasyon ti mapapati a P100 million nga iregularidad ti Senior High School Voucher Program (SHS-VP) iti salinong idi napalabas a nangidaulo.
Segun ken ni DepEd Sec. Sonny Angara, nangisayangkaten ti ahensya kadagiti reporma ti sistema tapno saanen a maulit ti nasao nga anomalia.
Nasurok-kumurang P65 million manipod 40 iti 54 a pribado a pagadalan iti school year 2021-2022 ken 2022-2023 ti na-flag gapu ti iregularidad a narekubre iti DepEd.
Kinuna ni Angara a mapatta-patta a 100 million pesos pay laeng ti gatad ti anomalya iti programa isu nga itultuloydan ti imbestigasyon ken mapapigsa ti sistema tapno saanen a maswitik.
Innayonna a nagipiladan ti civil ken criminal cases tapno mapasubli ti pondo ken madusa dagiti responsable.
