Nangipila ni Senador Bam Aquino iti Senate Bill No 2068 tapno maamyendaran ti Republic Act No 10586 ken papigsaen ti linteg kontra iti drunk ken drugged driving.
Dakkel ti ngimmatwan dagiti kaso ti drunk driving, isu a kayat ti gakat a masungbatan dagiti pagkrangan ti agdama a linteg.
Isingsingasing ti senador ti nababbaba a blood alcohol concentration limits, panangipatungpal iti implied consent para iti testing, obligado a panangkita iti uneg ti 2 nga oras kalpasan ti insidente, ken panagaramat iti siyentipoko a wagas kas ti retrograde extrapolation tapno makita ti lebel ti kinabartek uray no adda delay ti test.
Karaman pay ti naing-inget a pannusa, dagiti programa a rehabilitasion, ken panagaramat iti ignition interlock devices para kadagiti kanayon nga aglabsing.
