--Ads--
Umaboten iti nakurang 150,000 dagiti violator a nairekord ti Philippine National Police sipud nairusat ti Safer Cities Initiatives.
Dayta ket manipud Abril 6 agingga Abril 23, a ti kaadduan a panaglabsing ket ti panaginom iti arak ken panagsigarilio kadagiti pampubliko a lugar, sarunwen dagiti menor de edad nga aglablabsing iti curfew hours, panagliklikmot a nakaussob ken panagkaraoke iti nalablabes ngem iti naituding nga oras.
Segun ken ni PNP Spokesperson BGen. Randulf Tuaño, nakita a nagbalin a positibo ken epektibo ti safer cities initiative gapu iti panagbaba ti datos dagiti kaso nga adda pakainaiganna kadagiti 8 a focus crime.
Karaman ditoy ti murder, homicide, physical injuries, ken rape.
-- ADVERTISEMENT --
