--Ads--
Agtultuloy ti panangmonitor ti Ilocos Sur Provincial Disaster Risk Reduction and Management iti posible nga iduduprak ti bagyo Kristine iti probinsia.
Iti pannaki-uman ti Bombo Radyo Vigan ken ni Rhon Arquelada, awan pay laeng ita dagiti untoward incident a nairekord ngem nainget ti koordinasyonda kadagiti Municipal Disaster Risk Reduction and Management Council.
Impasigurado ni Arquelada nga adda latta dagiti nakasagana a family food packs ken hygiene kits a maiwaras kadagiti maapektaran nga agindeg.
Nupay kasta, binalakadanna dagiti umili nga agsagana ken ipangrunada ti kinatalgedda.
-- ADVERTISEMENT --
