Nakaalerto ti Ilocos Sur Provincial Disaster Risk Reduction and Management Council iti manamnama nga iduduprak ti bagyo Crising.
Iti pannaki-uman ti Bombo Radyo Vigan ken ni PDRRMO Rhon Arquelada, awan pay laeng dagiti naibakwit nga agindeg gapu iti bagyo ngem agtultuloy ti panagbantayda nangruna kadagiti coastal municipality.
Nakitaan met iti panagpangato ti lebel ti danum iti karayan ngem saan pay a dimmanon iti warning levels.
Kabayatanna, nangisayangkaten ti PDRRMO iti pre-disaster risk assessment kadagiti dagiti kameng ti Philippine National Police, Bureau of Fire Protection, Provincial Health Office ken dadduma pay a maseknan nga ahensia tapno mapagpapatangan no ania dagiti addang a maipatungpal tapno maliklikan ti peggad ita nga adda bagyo.
Impasigurado ni Arquelada a nakasaganan ti manpower ken equipment a kasapulan no kas bilang adda agkasapulan iti rescue.
