VIGAN CITY – Ti probinsia nga Ilocos Sur ti kangrunaan a naapektaran ti Bagyo Carina ken habagat manipud iti uppat a probinsia iti intero a rehion uno.
Iti pannaki-uman ti Bombo Radyo Vigan iti Spokesperson ti Office of the Civil Defense Information officer II Adreanne Pagsolingan, manarimaan ti consolidation and communication ti regional disaster risk reduction and management council kadagiti opisyal a datos mannipud iti naduma duma a probinsia
Segun kenkuana, 606 a pamilya nga apektado ti bagyo Carina ken habagat iti intero a rehion a buklen ti 98 a pamilya manipud iti Ilocos Norte; 327 a pamilya ditoy Ilocos Sur; 186 idiay la union idinto nga awan pay datosda manipud idiay Pangasina n
Adda met dagiti not passable roads iti probinsia gapo metten iti naduma duma a rason kas ti layus, panagregaay ti daga ken dadduma pay partikular iti paset ti Cervantes; iti ili ti Sigay partikular ti Sigay-Gregorio road ken Sigay-Salcedo road; adda ti road section idiay Sinait partikular iti Duayat bridge; Sta lucia road ; iti ili ti Suyo partikular ti Suyo-Cervantes road ken Suyo-Salcedo road ; iti paset ti San Juan iti siudad ti Candon; iti Cabaroan Silang road ti Sta Maria ken dadduma pay
Nupay kasta, awan pay ti nairekord a natay wenno mapukpukaw sipud dimmuprak ti Bagyo Carina iti pagilian idinto nga awan pay ti pakabuklan a gatad nu manon ti nadadael a sanikua ti Bagyo Carina.
Kabayatanna, agtaltalinaed a nakared alert status ti regional disater risk reduction and management council 1 emergency operation center sipud idi July 22 agingga iti agdama
VC- INFORMATION OFFICER II, ADREANNE PAGSOLINGAN
